影片
更多
2023-01-08
91 瀏覽
平時燒肉就食得多，咁啱近排天氣都幾凍，一於就打返次邊爐先🍲。不過喺沙田想搵間好食嘅火鍋店其實都幾難，更何況係喺新城市廣場哩邊。好在有朋友介紹，話之前食過新城市一期七樓哩間方叔叔火鍋，都幾唔錯下，服務夠貼心周到，食物質素又幾好，推薦我去試返餐。既然講到咁吸引，就擇日不如撞日，就除夕夜嗰晚去啦，食飽之後就可以去倒數，fit曬！😉搭𨋢上到七樓之後發現好多人，好多鋪頭出面都排曬長龍🤯。方叔叔火鍋店自然亦都唔例外，我地行到過去都係要喺門口拎飛等位。睇黎下次要早d上網book位先，walk-in始終都係要預時間等嘅啦，節日假期更加唔洗講，點都要等多陣🥹。不過好在入面d客都食得快，我地喺出面個草坪嗰度行左一陣，兜完個星光花園之後再等多十幾分鐘就有檯。入到去坐低之後即刻就有糖水食，好正！啱啱先至行完星光花園，有d口渴，食返少少潤肺潤喉嘅嘢就啱曬我啦！d雪耳都好多，好足料🤤食完碗糖水之後我地就即刻揀湯底同埋嗌嘢食，基本上我鍾意食嘅都有喔！鴨血啦，墨魚滑啦，黃喉啦，鵝腸啦等等等等，好多選擇🤩雖然無響鈴，不過佢地哩度有佢地自家製的特色［炸豆皮］。其實即係炸腐竹，不過真係好好味。放入個鍋煮左一分鐘之後食落口嗰
搭𨋢上到七樓之後發現好多人，好多鋪頭出面都排曬長龍🤯。方叔叔火鍋店自然亦都唔例外，我地行到過去都係要喺門口拎飛等位。睇黎下次要早d上網book位先，walk-in始終都係要預時間等嘅啦，節日假期更加唔洗講，點都要等多陣🥹。不過好在入面d客都食得快，我地喺出面個草坪嗰度行左一陣，兜完個星光花園之後再等多十幾分鐘就有檯。
入到去坐低之後即刻就有糖水食，好正！啱啱先至行完星光花園，有d口渴，食返少少潤肺潤喉嘅嘢就啱曬我啦！d雪耳都好多，好足料🤤
食完碗糖水之後我地就即刻揀湯底同埋嗌嘢食，基本上我鍾意食嘅都有喔！鴨血啦，墨魚滑啦，黃喉啦，鵝腸啦等等等等，好多選擇🤩
雖然無響鈴，不過佢地哩度有佢地自家製的特色［炸豆皮］。其實即係炸腐竹，不過真係好好味。放入個鍋煮左一分鐘之後食落口嗰個口感都幾好，唔會腍到散曬，係可以夾起黎放入口慢慢嚼下，細細品嚐嗰種，豆香味🈶️👍🏻
————————————————————————
講下d嘢食先！
［鵝腸］同［黃喉］我地煮左大概三四十秒就夾起黎食。黃喉好爽口，鵝腸又唔肥喔，都好唔錯，下次黎都繼續嗌返哩樣黎食先。
［墨魚滑］都好好味，好彈牙，可以feel到喺新鮮手打先至整得出咁靚嘅墨魚滑嗰種，已經mark入我的喜愛清單中☑️［鴨血］好嫩！哩個最推介，唔會煮到爛曬，有少少入口即化嗰種口感，放入辣鍋煮五至十分鐘就食得，正！
［毛肚］就唔洗點講啦，火鍋必點，淥個十幾秒就即刻食得，又香又脆，有咬口👍🏻————————————————————————
食完之後門口仲有薄荷糖同埋搓手液，仲有個除味機添！可以玩下轉下辟下身上d火鍋味，哩個幾好喔！整體服務我覺得可以同海底撈一揮🫡
張貼
