好好茶餐廳

有飯焦既煲仔飯
天氣轉凍左好多，所以去左食煲仔飯。呢間好好茶餐廳係好典型既港式茶餐廳，連服務都係，要快快手落單。
我叫左窩蛋肉餅飯，一開蓋就冒曬蒸氣，睇住佢係即刻用明火煲，唔係煮好再裝飯落去，所以見到會有飯焦，窩蛋就有流心，不過略嫌肉餅太淡味，可能醃唔夠，要加好多煲仔飯豉油先有味。

另外就叫左臘腸排骨煲仔飯，相對入味好多。而且明顯一大片飯焦，卜卜脆。講真都算抵食，6-70蚊一大煲，2個女仔食都夠飽，冬天食夠曬暖。