麗香園冰室 (興華廣場) (已結業)

今日過去柴灣探朋友，之後朋友帶我來麗香園冰室食晚餐，朋友話呢間冰室好味道又經常好多人排隊。啖啖海南雞配油飯，雞肉真是啖啖肉一塊骨都冇，雞肉嫩滑又香雞皮又不會太多肥膏，油飯又香飯又軟熟又不會油膩，雞肉沾上醬汁更美味。韮黃蝦球炒滑蛋，韮黃配蛋一起炒好香，蛋又炒到好嫩滑，蝦仁又大大隻又爽口彈牙。清蒸紅鮪，好大條魚又肥美又新鮮，蒸魚火喉又控制得剛才好，蒸到魚肉嫩滑又鮮甜。柏薑菜心炒牛肉，菜心炒到好香又不會過老，牛肉又夠入味。紅豆冰粒粒紅豆好好味。