土生花 (已結業)

朋友仔聚會，行完街就開始覓食，沿途逐層行下行下，就上到7樓呢，見到呢間土生花，食裝修都唔錯喎！時令蘆筍配韓式醬油溏心蛋，蔬菜好新鮮，不會過份調味，食到蔬菜原本嘅味道，溏心蛋用醬油烹調，所以會濃味一點。韓式秘製牛肋骨，牛肋骨雖然大件但都煮得好腍身，秘製醬個味帶好輕微嘅甘甜同人參味，薯仔係有炸過先再放落去炆，上面仲有芝士同松子，所以食落好香。秘製人蔘乳鴿湯，平時飲開都係雞湯，呢度有乳鴿湯，梗係試下新野，飲落同雞湯不太大分別，但鴿香多少少，成個湯飲完暖笠笠，個鴿肉仲可以食埋。韓式粉絲雜菜腐皮福袋，個福袋包得好實淨，而且腐皮好索汁，裡面有韓國粉絲、芫荽，咬落好juicy泡菜炒飯，炒飯唔錯，粒粒分明，上面仲有海量紫菜。個泡菜醃得好好，唔太酸帶微辣，配埋大醬湯，個大醬湯仲有菜架。