影片
更多
2025-03-16
659 瀏覽
朋友話好味又抵食，我哋一行六人揸車入去試吓，去到餐廳見到有戶外同室內座位選擇，朋友建議坐室內，因為白粥同白飯都喺入面自助，我哋去到室內門前同店員講六位，等佢安排入座，店員話去對面點餐後先可入座。咁去叫咗嘢食先，點知過到去嗰邊店員俾咗枱號我哋，我哋話：咦？頭先同事叫我哋叫咗嘢食先可入座喔！該店員隨即解釋原因，話原來有些食客一早入座，但係坐到十二點等埋朋友嚟先點餐，變咗餐廳好難做，站喺餐廳嗰邊睇，你一坐低諗住點餐㗎啦，點知你會坐到朋友嚟先叫嘢食呢？人哋做生意嘅兩個鐘起碼番一次枱啦！「原來餐廳係杜絕呢啲只要你唔尷尬，尷尬係人哋嘅食客先會出此下策。」朋友話唔好叫咁多，四樣差唔多啦，怕食唔哂，另外叫咗壺茶，俾個已經裝咗茶葉嘅保溫水壺我哋自己去餐廳門外加熱水同洗餐具。都未洗好已經上咗兩碟，左邊係豉椒炒田螺～真係整到螺嘅形狀咁，口感就爽口好似蒟蒻，真係有啲辣右邊係雲泉鼎上素～呢個店員介紹，本身諗住叫《錦繡喜團圓》賣晒香酥荔芋卷～超好味必點好香芋頭味，入口外脆內軟而且唔油膩春卷并西檸鴨春卷又係好好食不得不讚佢哋嘅炸物好出色西檸鴨一試無妨今次可能太晏嚟（差唔多2:15），有啲菜式都賣晒。總括嚟講價錢抵同
去到餐廳見到有戶外同室內座位選擇，朋友建議坐室內，因為白粥同白飯都喺入面自助，我哋去到室內門前同店員講六位，等佢安排入座，店員話去對面點餐後先可入座。
咁去叫咗嘢食先，點知過到去嗰邊店員俾咗枱號我哋，我哋話：咦？頭先同事叫我哋叫咗嘢食先可入座喔！
該店員隨即解釋原因，話原來有些食客一早入座，但係坐到十二點等埋朋友嚟先點餐，變咗餐廳好難做，站喺餐廳嗰邊睇，你一坐低諗住點餐㗎啦，點知你會坐到朋友嚟先叫嘢食呢？人哋做生意嘅兩個鐘起碼番一次枱啦！「原來餐廳係杜絕呢啲只要你唔尷尬，尷尬係人哋嘅食客先會出此下策。」
朋友話唔好叫咁多，四樣差唔多啦，怕食唔哂，另外叫咗壺茶，俾個已經裝咗茶葉嘅保溫水壺我哋自己去餐廳門外加熱水同洗餐具。
都未洗好已經上咗兩碟，
左邊係豉椒炒田螺～真係整到螺嘅形狀咁，口感就爽口好似蒟蒻，真係有啲辣
右邊係雲泉鼎上素～呢個店員介紹，本身諗住叫《錦繡喜團圓》賣晒
香酥荔芋卷～超好味必點
好香芋頭味，入口外脆內軟而且唔油膩
春卷并西檸鴨
春卷又係好好食
不得不讚佢哋嘅炸物好出色
西檸鴨一試無妨
今次可能太晏嚟（差唔多2:15），有啲菜式都賣晒。
總括嚟講價錢抵同份量都好足
會想再嚟試吓其他齋菜
張貼
