不嬲都有幫襯開麻布 見佢唔使排隊 所以就左去啦
本身要坐搭檯@@ 無諗過麻布呢種餐廳都要搭檯wor講真
但係之後見到有張二人檯 所以就轉檯
不過呢個星期六嘅麻布真係幾奇怪
一請就請左兩個新PART TIME
但係估唔到兩個人會有咁大分別
首先講左食物質素啦
叫左個
咖哩蛋包飯午餐定食
味道就真的非常的一般
因為其實只係將個咖哩汁加落去個蛋包飯姐
都無咩再特別
不過值得一提 個咖哩真係唔chilly [本身我多食多食得辣]
所以若果係想食咖哩 但係又怕辣 可以食呢個
至於個多蛋都煎得過得去 但係好難講得上話好好食囉
不過佢個湯應該唔係麵豉湯
因為係好清嘅湯 若果有人知道係咩嘅請講聲
不嬲去麻布都係會食佢個蕃茄蛋包飯
其實個size應該差唔多架
點知今次黎講 細左好多
因為個蛋唔係完全包哂個團飯
只係表面個層係蛋 去到底唔係有蛋包的
不過我最想講係個服務態度!!!!!!!!!
之前講過佢請左兩個part time
一個應該係第一日返工 所以唔係好知自己做咩同埋做到D咩
但係佢每秒都比到笑容客人
所以都幾好架
可惜另一個已經返左幾日嘅part time搞亂黨啦完全
因為佢零笑容 仲要放低杯檸茶個時 就咁放低
用一個好不屑嘅態度去放低杯茶 想點呀
同埋同時叫兩杯餐飲
但係都可以黎嘅時間差好遠架WOR
仲有另一個應該係full time嘅著藍衫waiter
雖然係同我地落餐飲都幾有笑容
不過對住另一檯客就黑哂面
但係另一檯其實只係想調去另一張檯姐
所以overall個服務態度都令到覺得呢餐唔多抵食
不過更想講一樣野係
客人質素
麻布唔係快餐 所以你都會覺得客人質素有少少保證
點知唔係囉
有一檯客個媽咪將兩個可以一齊做哂嘅request分開要求個waiter咁樣做
可能就係咁個藍衫waiter會黑面
仲有另一檯客就最影響食慾
因為有三個細路剛剛買完野午餐
點知嘈到癲
係度嗌 講野超大聲
但係無人去叫佢地唔係講得咁大聲WORRR
大佬 60幾蚊個午餐 都唔係比堆細路咁樣嘈法瓜
因為全餐廳都應該同一時間enjoy緊呢堆嘈音囉!!!!!!!!!!!!!!!!!!
所以下次去呢間麻布都唔會係短期內嘅事
或者等佢平日先去啦 咁就無咁麻煩啦
唔好意思啦真係 要比一比喊臉啦
因為個咖哩蛋包飯唔見得可以抵消哂所有環境同服務造成嘅滋擾
希望個店長睇到呢篇野會改善下啦 唔好影衰個牌子嗎
