更多
2013-08-24
1737 瀏覽
完成咗兩日嘅辛勞工作，決定放縱番一晚，享受火鍋+啤酒呢個最佳配搭。之前食過呢間新星，環境唔錯，weekend時冇嘜人，但唔知係咪food expo嘅關係，今晚有8成滿。任食$108一位，湯底另order。計埋湯底茶芥，大約$150一位；汽水啤酒任飲，有涼茶、百事等汽水同ice啤酒。坐低冇耐店員已放低調味盤，有幾種基本嘅調味如沙茶醬同椒絲等。今次啲椒絲較辣，夠哂刺激。雖然係任食，但湯底要另嗌。有好幾款湯底連火鍋配料嘅package。響鈴加鴛鴦湯底$68。尚有其他貴價啲嘅套餐。好快就嚟咗湯底。沙爹湯有啲稀，但食落好夠味，而且有沙茶醬提供，可自行加醬令湯更濃。清湯就只有幾片冬瓜喺入面。雖然響鈴係套餐嘅火鍋料，但都好有質素。卷咗好幾層，有口感，亦合乎淥兩秒即食嘅質素要求。講真，依家好多所謂嘅響鈴，唔係薄到似紙、就係唔脆嘅，所以呢度嘅真係相當唔錯。必嗌嘅炸魚皮，上枱時有保鮮紙封實，能夠保持香脆。餃類包括雲吞、水餃、韮菜餃同魚皮餃。雖然味道ok，但size比較細位，少咗啲口感。魚皮餃就麻麻喇。其餘配料會一碟過上枱。咁仲好，唔洗咁多小碟阻哂啲位。值得推介嘅有蟹棒，超過10cm長，好有睇頭。香草腸亦係
之前食過呢間新星，環境唔錯，weekend時冇嘜人，但唔知係咪food expo嘅關係，今晚有8成滿。
任食$108一位，湯底另order。計埋湯底茶芥，大約$150一位；汽水啤酒任飲，有涼茶、百事等汽水同ice啤酒。
坐低冇耐店員已放低調味盤，有幾種基本嘅調味如沙茶醬同椒絲等。今次啲椒絲較辣，夠哂刺激。雖然係任食，但湯底要另嗌。有好幾款湯底連火鍋配料嘅package。響鈴加鴛鴦湯底$68。尚有其他貴價啲嘅套餐。
好快就嚟咗湯底。沙爹湯有啲稀，但食落好夠味，而且有沙茶醬提供，可自行加醬令湯更濃。清湯就只有幾片冬瓜喺入面。
雖然響鈴係套餐嘅火鍋料，但都好有質素。卷咗好幾層，有口感，亦合乎淥兩秒即食嘅質素要求。講真，依家好多所謂嘅響鈴，唔係薄到似紙、就係唔脆嘅，所以呢度嘅真係相當唔錯。必嗌嘅炸魚皮，上枱時有保鮮紙封實，能夠保持香脆。
餃類包括雲吞、水餃、韮菜餃同魚皮餃。雖然味道ok，但size比較細位，少咗啲口感。魚皮餃就麻麻喇。
其餘配料會一碟過上枱。咁仲好，唔洗咁多小碟阻哂啲位。
值得推介嘅有蟹棒，超過10cm長，好有睇頭。香草腸亦係較特別嘅火鍋料；厚切午餐肉有口感。肉方面較prefer豬頸肉，肥牛就有啲韌。最後食埋個出前一丁，真係捧住個肚走。最值得讚嘅係呢度嘅店員服務有禮又殷勤，今時今日真係好難搵。
張貼
