L'AMOUR

L'AMOUR
189
6
2
等級1
4
1
2021-03-29 299 瀏覽
今日特登入大埔搵好野食,見佢openrice評論咁高,所以就入咗去試吓。餐廳裝修都唔錯,有格調。隻玻璃門識變不透明,又high tech,又增加私隱度,抵讚!不過睇睇menu,原來個set lunch都唔平,最低消費都成$300幾一個set,不過嘅然都嚟到就豪下佢啦...套餐包一個house wine,我們都點了白酒。白酒來的時候,侍應在酒入面加了乾冰,所以很有吸睛的效果。可是等了5分鐘後,煙霧才能散去,然後才可以聞一吓酒的氣味,不過乾冰的煙霧已將白酒的氣味都一起帶走了,感覺這效果用上cocktail 中會好些。先嚟頭盤,一個係波特酒提子配鵝肝,另一個係蝶豆花木魚湯魚生片。鵝肝醬的味道較淡,不過都幾滑身,可是就找不波特酒的踪影了,是酒精烹煮時揮發了?另外蝶豆花那一道,應該是加了檸檬汁讓蝶豆花有轉色效果,但令整道菜太酸了,木魚味也失去了,配上魚生有點不太襯,酸度也令魚生鞋了,又是可惜。今日餐湯係紅菜頭湯,冇咩驚喜,因為自己都識整,味道都差唔多,可以話係正正常常嘅一個西湯。至於頭盤就選了侍應介紹的招牌菜慢煮西班牙黑毛豬配焦糖蘋果,另外仲有海膽扁意粉。先講黑毛豬,佢有好香嘅炭燒味,有脂肪嘅位
更多
今日特登入大埔搵好野食,見佢openrice評論咁高,所以就入咗去試吓。餐廳裝修都唔錯,有格調。隻玻璃門識變不透明,又high tech,又增加私隱度,抵讚!不過睇睇menu,原來個set lunch都唔平,最低消費都成$300幾一個set,不過嘅然都嚟到就豪下佢啦...

套餐包一個house wine,我們都點了白酒。白酒來的時候,侍應在酒入面加了乾冰,所以很有吸睛的效果。可是等了5分鐘後,煙霧才能散去,然後才可以聞一吓酒的氣味,不過乾冰的煙霧已將白酒的氣味都一起帶走了,感覺這效果用上cocktail 中會好些。

2 瀏覽
0 讚好
0 留言


先嚟頭盤,一個係波特酒提子配鵝肝,另一個係蝶豆花木魚湯魚生片。鵝肝醬的味道較淡,不過都幾滑身,可是就找不波特酒的踪影了,是酒精烹煮時揮發了?另外蝶豆花那一道,應該是加了檸檬汁讓蝶豆花有轉色效果,但令整道菜太酸了,木魚味也失去了,配上魚生有點不太襯,酸度也令魚生鞋了,又是可惜。

1 瀏覽
0 讚好
0 留言


1 瀏覽
0 讚好
0 留言


今日餐湯係紅菜頭湯,冇咩驚喜,因為自己都識整,味道都差唔多,可以話係正正常常嘅一個西湯。

1 瀏覽
0 讚好
0 留言


至於頭盤就選了侍應介紹的招牌菜慢煮西班牙黑毛豬配焦糖蘋果,另外仲有海膽扁意粉。先講黑毛豬,佢有好香嘅炭燒味,有脂肪嘅位真係燒得幾好味,值得讚!可是以豬鞍嚟講,塊豬鞍真係好鬼薄(可能係拍過所以扁咗?),咁薄嘅豬鞍又慢煮又炭燒,搞到佢都overcook晒,熟到非常之鞋又乾,好可惜(之前去過一間食豬鞍,又係炭燒,不過人哋做得真係又厚又juicy喎)。焦糖蘋果就只是幾片薄切了的蘋果,加黃糖用火槍燒咁,以為佢嘅蘋果真係會用焦糖煮過添...失望。配菜方面有薯蓉,仲有青蘋果蓉,不過薯蓉唔算好滑。

1 瀏覽
0 讚好
0 留言


至於海膽扁意粉,個意粉係要讚,真係做到Al Dente,口感好掂!不過d海膽就好似熟咗嘅蟹膏,硬咗一塊塊咁,唔係溶化係個汁入面,所以個汁都仲係白色,唔係橙色,又係失望。值得讚係海膽份量都幾多吓嘅。

0 瀏覽
1 讚好
0 留言


最後就嚟甜品,一個係Madeleine配雪糕,一個係要加錢嘅甜品叫All Day Breakfast。Madeleine失望嘅地方係你見唔到一舊完整嘅Madeleine,而係一塊塊嘅Madeleine碎片,咁靚嘅Madeleine點解要整碎佢?可惜...

0 瀏覽
0 讚好
0 留言


至於All Day Breakfast個名就幾得意嘅,仲令人expect以為好多野好大碟添,不過就嚟咗隻分子料理「煎蛋」同雪糕啤出嚟嘅「腸仔」,「蛋黃」係芒果漿來的,可是太細粒左d,如果大粒啲扁d應該會再似「蛋黃」多d,「蛋白」係一pat流質yogurt,很難用叉食,也令「煎蛋」失真,腸仔似係raspberry 整嘅雪糕,呢個幾似的。

0 瀏覽
0 讚好
0 留言


總括嚟講,成餐食咗$800幾,點都會有啲期望。份量方面係足夠的,有餐酒、前菜、湯、主菜及甜品,只是細節地方有點失望,例如同一隻飛碟型嘅碟,已經在前菜、湯及主菜再三出現。主菜仍有進步空間,也明白餐廳為了宣傳而在菜色加入打咭效果。當然,我們沒有嘗過所有菜色,只是以今天的體驗來評價,可是失望的地方還真的很多
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-03-28
用餐途徑
堂食
人均消費
$400 (午餐)