更多
2020-11-07
390 瀏覽
朋友介紹左呢間日本餐廳俾我,而佢都上過TVB,開頭會諗都會覺得係貴野,睇menu都係啲大路野黎。不過冇諗過會有驚喜同大滿足囉!舖頭位置其實係隱瞞架,不過好彩冇行錯路同埋都易揾。我比較早到,12點上去都有好多吉位。職員帶完位會問你係咪第一次黎,話你知點樣落單,可以自己剔紙仔或者掃QR Code。我地就用左手機落,上菜都快。睇埋Menu同價錢,真心平!因為100蚊樓下食咁豐富嘅午飯基本係冇可能架。我地實在選擇困難,所以索性叫兩個壽司定食再+冷烏冬定食跟刺身。壽司定食要讚餐廳毫不吝嗇食材。三文魚剌身係薄刺,但唔係薄到係紙咁,同埋真係超長。另外隻蝦真係原隻上,都鮮甜嘅。最後係手卷,個紫菜係好脆,唔係放左好耐淋哂嗰隻。凍烏冬有驚喜,竟然係跟剌身仲平過跟壽司,而且烏冬非常彈牙,好好食。如果用呢個價錢食呢堆野,相信第二間一定唔得!仲要100蚊樓下喎,免加一呢~或者係舖頭租比較平掛,因為我真心覺得佢地係平,仲要喺佐敦,其他地方一定做唔到。呢間我真心推介,如果你要求唔係非常高,唔食好刁鑽嘅野,呢間絕對啱。下次我都會試試其他野。
舖頭位置其實係隱瞞架,不過好彩冇行錯路同埋都易揾。我比較早到,12點上去都有好多吉位。職員帶完位會問你係咪第一次黎,話你知點樣落單,可以自己剔紙仔或者掃QR Code。我地就用左手機落,上菜都快。
睇埋Menu同價錢,真心平!因為100蚊樓下食咁豐富嘅午飯基本係冇可能架。我地實在選擇困難,所以索性叫兩個壽司定食再+冷烏冬定食跟刺身。
壽司定食要讚餐廳毫不吝嗇食材。
三文魚剌身係薄刺,但唔係薄到係紙咁,同埋真係超長。另外隻蝦真係原隻上,都鮮甜嘅。最後係手卷,個紫菜係好脆,唔係放左好耐淋哂嗰隻。
凍烏冬有驚喜,竟然係跟剌身仲平過跟壽司,而且烏冬非常彈牙,好好食。
如果用呢個價錢食呢堆野,相信第二間一定唔得!仲要100蚊樓下喎,免加一呢~或者係舖頭租比較平掛,因為我真心覺得佢地係平,仲要喺佐敦,其他地方一定做唔到。
呢間我真心推介,如果你要求唔係非常高,唔食好刁鑽嘅野,呢間絕對啱。下次我都會試試其他野。
張貼