126
13
4
等級4
102
2
2019-06-16 819 瀏覽
今日做完FACIAL,約左個朋友出黎旺角食午飯,突然想食滷肉飯,所以搵左呢間店舖,入面環境唔算好大,但都算幾企理,我們被安排入座後就馬上睇睇餐牌睇下有咩野食!因為做完FACIAL都已兩點多,餐牌都有提供下午茶餐。如果唔啱食,都仲有午餐供應,睇睇價錢都似乎幾合理,所以都冇理佢係唔係茶餐,啱就照叫了。我叫了一個小麻吉滷肉鹽酥雞拼小香腸飯,碟飯上枱,望落去都幾豐富,入面有幾舊鹽酥雞,幾條小香腸,飯上有一些滷肉,仲有隻滷水蛋,有少少菜和幾塊酸瓜。第一啖就試下個鹽酥雞先,因為平時在其他地方食鹽酥雞都會偏鹹,但呢度居然個鹹味又較得幾適中喎。個炸漿夠薄身添,個雞肉入面仲食到有少少肉汁,啱啱好,唔過熟,唔鞋,個滷肉開頭睇佢覺得個份量好似唔多夠,但原來食起上黎又幾送到飯喎。不多不少。啱啱好!小香腸食落又真係幾有台灣風味喎!滷水蛋個味唔太濃,但就食到淡淡得滷水味道!菜同瓜雖然個份量唔多,但個味道都做得唔錯!2點半,剛好開始有下午茶供應,下午茶套餐分三個類別 : T1 小碗飯、T2 新竹米粉、T3 台式炸物拼盤,朋友話飯日日都有得食, 反而新竹米粉好耐冇食過,且佢本人尚辣,所以選了麻辣擔擔湯新竹米粉,再配花
更多
今日做完FACIAL,約左個朋友出黎旺角食午飯,突然想食滷肉飯,所以搵左呢間店舖,入面環境唔算好大,但都算幾企理,我們被安排入座後就馬上睇睇餐牌睇下有咩野食!因為做完FACIAL都已兩點多,餐牌都有提供下午茶餐。如果唔啱食,都仲有午餐供應,睇睇價錢都似乎幾合理,所以都冇理佢係唔係茶餐,啱就照叫了。

27 瀏覽
0 讚好
0 留言


222 瀏覽
0 讚好
0 留言


184 瀏覽
0 讚好
0 留言


260 瀏覽
0 讚好
0 留言


我叫了一個小麻吉滷肉鹽酥雞拼小香腸飯,碟飯上枱,望落去都幾豐富,入面有幾舊鹽酥雞,幾條小香腸,飯上有一些滷肉,仲有隻滷水蛋,有少少菜和幾塊酸瓜。第一啖就試下個鹽酥雞先,因為平時在其他地方食鹽酥雞都會偏鹹,但呢度居然個鹹味又較得幾適中喎。個炸漿夠薄身添,個雞肉入面仲食到有少少肉汁,啱啱好,唔過熟,唔鞋,個滷肉開頭睇佢覺得個份量好似唔多夠,但原來食起上黎又幾送到飯喎。不多不少。啱啱好!小香腸食落又真係幾有台灣風味喎!滷水蛋個味唔太濃,但就食到淡淡得滷水味道!菜同瓜雖然個份量唔多,但個味道都做得唔錯!

小麻吉滷肉鹽酥雞拼小香腸飯
$48
18 瀏覽
0 讚好
0 留言



2點半,剛好開始有下午茶供應,下午茶套餐分三個類別 : T1 小碗飯、T2 新竹米粉、T3 台式炸物拼盤,朋友話飯日日都有得食, 反而新竹米粉好耐冇食過,且佢本人尚辣,所以選了麻辣擔擔湯新竹米粉,再配花枝丸、魚皮餃。湯麵一上枱已聞到陣陣麻辣香味,湯底顔色有點近似冬蔭公湯,米粉精瑩通透,湯底不算很辣,一般人都應該接受到,新竹米粉質地彈牙,每條麵條都能沾上麻辣湯汁,十分可口,花枝丸爽口又大粒,魚皮餃煙韌魚味濃。朋友覺得相當滿意。
麻辣擔擔湯新竹米粉
$36
18 瀏覽
0 讚好
0 留言


三味原來係指涼拌小王瓜、滷蛋、夜市小香腸;小王瓜清甜爽脆,食落帶有醋的甜酸味,十分醒胃;滷水蛋一人有四份件,小香腸約有拇指般大小,外皮脆,香口彈牙亦帶點甜味,令人不自覺的一口接一口地吃下去。

三味拼盤
$18
9 瀏覽
0 讚好
0 留言

皮旦本身冇咩味,主要食口感、 不過配上合適的調味料,自然令味道更有層次,今次涼拌皮旦上淋上少許麻辣汁,不單止香而且相當惹味。

尖椒皮旦
$12
23 瀏覽
0 讚好
0 留言


我們食到咁上下,望一望個餐牌,有新發現,有個叫甘梅脆薯既東西,聽個名有點吸引,所以唔理三七廿一就叫左一客,上枱時原來都幾大碟下。數落都有十幾條蕃薯條,蕃薯條又唔算好細舊,面頭仲撒了一些梅粉,令個味道帶點酸酸的。脆薯用的炸漿不是真係好脆口果隻炸漿,佢好似落左啲蛋去炸,有少少蛋香味,個蕃薯入面都幾甜,整個菜甜中帶酸,酸中又帶甜,令成件事好有層次。


甘梅脆薯
$31
11 瀏覽
0 讚好
0 留言


凍珍珠奶茶 (左) 跟餐加 $5
這裏的珍珠奶茶幾好,不太甜,有淡淡茶香味

百香果綠茶 (右) 跟餐加$5
飲落都幾香百香果味,雖然百香果香,但好在佢又冇搶走原本的綠茶味,兩者都配合得宜,夏天飲,FIT晒!


百香果綠茶
$5
12 瀏覽
0 讚好
0 留言


食左咁多野都係咁既價錢!老實講,真係又好食,又抵食!

8 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-06-15
用餐途徑
堂食
人均消費
$77.5 (午餐)
推介美食
小麻吉滷肉鹽酥雞拼小香腸飯
$ 48
麻辣擔擔湯新竹米粉
$ 36
三味拼盤
$ 18
尖椒皮旦
$ 12
甘梅脆薯
$ 31
百香果綠茶
$ 5