更多
2019-08-21
3629 瀏覽
同男朋友一齊得耐，遇到特別日子都好少慶祝，難得週年紀念一年一次，就搵間未食過既餐廳去試下！-今次就去咗銅鑼灣永光大廈上面既kozy 我地都好似未一齊食過鐵板燒！（除咗自己整大阪燒 lol）book咗730 上到去已經有第一輪既人客走緊，等一等，就入得！-book位既時候店員有提到可以坐bar枱既位置，雖然佢係有bar枱位置既情況下安排我地坐普通二人枱，不過因為現場通風唔係十分好，唔想食到周身味，所以我都係所謂啦～-【芝士蛋奄列】上菜速度無上網所講既咁慢，都上得幾快，可能因為咁岩無咩人。一上枱，非常吸引，熱辣辣，香氣十足！仲可以拉絲添！佢個蛋漿用上湯撈過，所以唔係單純蛋香，而且非常軟熟，芝士好多，夠晒邪惡！好味！-【蟶子】蟶子肉好甜，份量唔算小，唔會鞋口，幾新鮮，幾好！-【鹿兒島黑豬腩扒】呢個出色！濃濃既豬肉香，肥瘦適中，點一點個薯蓉藻鹽（唔係好識分）帶動到成個豬肉既鹹香，配上椰菜絲中和油膩感，仲有一塊薯餅仔，正！-【雞腎】好食喎都！一d都唔硬，少少芝蔴香，簡易好味。-【蒜頭炒飯】有驚喜！好有鑊氣既炒飯！（定係叫鐵板氣？）好香，粒粒分明，有少少蒜啊菇啊薄豬肉啊蔥啊，已經好好食。-【關東煮
-
今次就去咗銅鑼灣永光大廈上面既kozy 我地都好似未一齊食過鐵板燒！（除咗自己整大阪燒 lol）
book咗730 上到去已經有第一輪既人客走緊，等一等，就入得！
-
book位既時候店員有提到可以坐bar枱既位置，
雖然佢係有bar枱位置既情況下安排我地坐普通二人枱，
不過因為現場通風唔係十分好，唔想食到周身味，所以我都係所謂啦～
-
【芝士蛋奄列】上菜速度無上網所講既咁慢，都上得幾快，可能因為咁岩無咩人。
一上枱，非常吸引，熱辣辣，香氣十足！仲可以拉絲添！
佢個蛋漿用上湯撈過，所以唔係單純蛋香，而且非常軟熟，
芝士好多，夠晒邪惡！好味！
-
【蟶子】
蟶子肉好甜，份量唔算小，唔會鞋口，幾新鮮，幾好！
-
【鹿兒島黑豬腩扒】呢個出色！濃濃既豬肉香，肥瘦適中，
點一點個薯蓉藻鹽（唔係好識分）帶動到成個豬肉既鹹香，
配上椰菜絲中和油膩感，仲有一塊薯餅仔，正！
-
【雞腎】
好食喎都！一d都唔硬，少少芝蔴香，簡易好味。
-
【蒜頭炒飯】
有驚喜！好有鑊氣既炒飯！（定係叫鐵板氣？）
好香，粒粒分明，有少少蒜啊菇啊薄豬肉啊蔥啊，已經好好食。
-
【關東煮】
大根同薯仔，用料好真係好重要，
個大根好好味，煮到好淋好淋，而且一d渣都無，
男朋友話好食過佢係日本台屋食到既大根關東煮！
我唔係好識欣賞個薯仔，完。
-
【牛舌】
好味道，好軟熟，一d都唔會死實實，味道都好好，值得一試！
-
【豬肉大阪燒】呢個細細個，唔會太多，我個人認為佢粉太多，唔夠菜，
味道唔差，個漿汁搭救。
-
【上：燒年糕雪糕；下：甜薯雪糕】正所謂無比較無傷害，
燒年糕雪糕唔係唔好食！係唔錯既，
不過個甜薯雪糕！正！到！爆！我要再黎再食！
-
總結，呢間係一間好驚喜既餐廳，事前見到網上既評價都有擔心，
好彩，呢到非常值得一試！如果通風做得再好d就好了！
張貼
