福薈川菜 (已結業)

烤魚又來了🤩呢間位於旺角同太子交界，地段都好方便，係食川菜為主，鍾意食辣嘅你就唔好錯過☺️涼拌花甲超級有驚喜，估唔到係咁入味，作為前菜小食嘅佢真係幾出色，辣辣地，花甲份量都多，每一隻花甲都有濃厚嘅辣汁覆蓋，非常惹味重慶烤魚我哋叫咗小辣，魚就叫咗大邊，其實份量兩個人都幾多，因為再加埋墊底嘅配菜，有蓮藕，金菇，芽菜，娃娃菜，豆卜，木耳，仲有紅薯粉，所以份量真係唔會少，至於小辣真係唔算太辣，如果食得辣嘅你真係可以試吓中辣以上，應該別有一番風味，魚肉質彈牙嫩口👍🏻柑桔青檸特飲入口唔太甜，酸酸地非常開胃，食呢啲真係最夾飲啲比較Fresh啲嘅飲品☺️