更多
2021-04-29
82 瀏覽
呢間餐廳我之前同朋友去過一次,裏面嘅精品好可愛,好藝術feel,而且啲嘢食都好好味,所以今次決定帶其他朋友嚟試吓!我哋嗌左兩個set lunch,每個set lunch都會有一份沙律,一個main同埋一杯嘢飲。🥗經典凱撒沙律、風乾火腿田園沙律凱撒沙律嘅麵包碎永遠係精粹,脆卜卜好香好好味!田園沙律有一舊都幾大舊嘅風乾火腿,除咗菜之外仲有啲石榴,加埋橄欖油幾Fresh幾好味。🍝波隆那肉醬通心粉裝通心粉隻碟好似一頂帽,好得意!今次呢隻係粗身嘅通心粉,因為佢好肥好大條,所以食咗半碟已經飽。蕃茄同肉醬嘅份量都幾多,好足料!🐟香煎慢煮三文魚扒本身睇Menu張相以為三文魚扒側邊嗰兩塊係薯仔,點知原來係翠玉瓜!翠玉瓜同下面嘅菠菜都好好味,翠玉瓜食落好Juicy,菠菜食落好新鮮。三文魚扒都幾大舊,食落唔會腥,連平時唔食魚嘅朋友都食咗半條!側邊有啲醬,雖然我唔知係咩醬嚟,但點三文魚食都幾特別。☕️藝術打印朱古力呢兩杯藝術打印朱古力真係好靚好可愛!佢有唔同嘅圖案可以揀,我地兩個都揀咗多啦A夢。朱古力甜度啱啱好,除咗朱古力味好香濃之外,仲有啲奶味,就好似飲緊凍朱古力奶咁,好好飲!🤎Tiramisu呢個Tiram
我哋嗌左兩個set lunch,每個set lunch都會有一份沙律,一個main同埋一杯嘢飲。
🥗經典凱撒沙律、風乾火腿田園沙律
凱撒沙律嘅麵包碎永遠係精粹,脆卜卜好香好好味!田園沙律有一舊都幾大舊嘅風乾火腿,除咗菜之外仲有啲石榴,加埋橄欖油幾Fresh幾好味。
🍝波隆那肉醬通心粉
裝通心粉隻碟好似一頂帽,好得意!今次呢隻係粗身嘅通心粉,因為佢好肥好大條,所以食咗半碟已經飽。蕃茄同肉醬嘅份量都幾多,好足料!
🐟香煎慢煮三文魚扒
本身睇Menu張相以為三文魚扒側邊嗰兩塊係薯仔,點知原來係翠玉瓜!翠玉瓜同下面嘅菠菜都好好味,翠玉瓜食落好Juicy,菠菜食落好新鮮。三文魚扒都幾大舊,食落唔會腥,連平時唔食魚嘅朋友都食咗半條!側邊有啲醬,雖然我唔知係咩醬嚟,但點三文魚食都幾特別。
☕️藝術打印朱古力
呢兩杯藝術打印朱古力真係好靚好可愛!佢有唔同嘅圖案可以揀,我地兩個都揀咗多啦A夢。朱古力甜度啱啱好,除咗朱古力味好香濃之外,仲有啲奶味,就好似飲緊凍朱古力奶咁,好好飲!
🤎Tiramisu
呢個Tiramisu唔止賣相吸引,食落仲超好味!Waiter一上甜品就聞到好大浸咖啡味,好香!餅乾浸完咖啡嘅質地有啲似海綿蛋糕,食落軟淋淋。啲cream唔會太甜,夾埋餅底同上面啲朱古力粉一齊食真係超正!依家睇返啲相又想再食多一次!
張貼