友利冰室 x 勿當奴 (中海日升中心)

因為喺附近返工就俾同事帶咗話食「勿當奴」，起初仲以為係M記，但係又話唔係喎，我都唔信，點知睇咗餐牌真係勿當奴😂 淨係見到個名都覺得搞笑，再見到餐牌嘅漢堡包名，真係幾有創意。


日式咖喱吉列牛柳蛋包飯🐮
首先價錢超抵，份量極大到兩個女仔share都得，有吉列牛柳，再加賣相靚嘅蛋包飯，竟然只係$68⁉️ 真係抵到爛！而味道上都不錯


蘋果伯爵茶 樽仔奶茶🥤
呢兩支自家製飲品都好味！
蘋果伯爵茶幾清新，每次我都係飲呢一支
奶茶就奶味重，啱晒我最鍾意多奶嘅人🤭