凱柏冰室 (已結業)

係荃灣食開飯都知好難有個海景食野係抵食的，今次比我找到了，西鐵站行出就開左間凱柏冰室，冰室行出就係荃灣碼頭那邊，非常之方便又有靚景。來到座底卡位見餐廳都做足防疫措施，枱和枱都係隔開座的唔錯。今日係同我表弟行完海之戀見到入來食晚餐的，表弟係超愛吃飯，所以叫了個熱石鐵板燒都係配飯， 佢選擇左西冷牛扒和漢堡扒配黑椒汁，呢個餐本身仲有腸仔，火腿，粟米，薯條，材料夠哂豐富，89蚊咁多野食，係出面真係食唔到仲要有海景睇下。而我都係食熱石鐵板燒，我就選擇左西冷牛扒和吉列豬扒配意粉，我特別叫了咖哩汁，估唔到鐵板燒配咖哩汁意粉又幾掂喎，因為我多數食開黑椒汁的。仲有兩杯凍檸樂爽下。食物質素ok, 份量超值，下次可以再來。