大將 (已結業)

日式火鍋愈開愈多，大將係其中一間會翻頭再食嘅餐廳。今次食特色新湯底，富士蘋果湯清清地，無諗過用蘋果去淆湯，感覺都幾新鮮。博多味噌湯夠香濃，對於麵豉湯控的我係非常滿意，尤其是去到最後索晒肉汁，勁甜。今次揀咗＄258的澳洲和牛套餐，90分鐘可以任食和牛，都算幾抵。和牛不愧係和牛，牛味超濃烈，口感煙軔唔算鞋，但脂肪略嫌唔夠多。五花肉就有好矛嘅脂肪層，所以入口充滿油香；雞肉偏瘦所以唔算好滑，但有雞味。配料有好多選擇，尤其鍾意豆苗同埋魔芋絲。呢兩樣係其他日式放題都比較少見。豆苗好新鮮，打邊爐食菜最健康！要讚嘅係，有幾款有心思的熟食都好吸引日式大根牛腩好味啊！牛腩索晒甜甜地的醬汁，燉到好鬆軟。大根無渣，好索味，好適合撈飯食。溫馨提示有白飯㗎，適合無飯不歡的人。千島醬吉烈豬扒雖然唔係即炸但依然脆口，配上千島醬好惹味。炸雞都好脆口但偏鹹咗少少，如果有埋醬汁點嚟食就好啦鍾意食甜品的人千祈唔好錯過自助雪糕吧同埋自製Pancake啊，pancake有幾款味可以揀，有誠意。