日日涮 (已結業)

天氣凍突然好想打邊爐去左日日涮呢間去試食話說去到揀左$238果一款既牛小排放題+刺身；湯底揀左四川麻辣同壽喜燒，個人覺得四川麻辣味道係ok ge, 真的辣，但太油。而牛肉同刺身分別叫左3round, 3round 都係一致靚牛，刺身都係，可以睇相核對下😆加上都有牛味，不錯不錯：）唔似平時去既日x, 牛x, 牛xx果啲，會食第2，3round時明顯啲肉無咁靚同埋比較少。刺身係好味，仲係好味過本地某「高速」連鎖壽司店佢其他自助任食既類別其實有好多，仲有好多特別既熟食，但我太飽，無試太多～反而走左去試佢啲蛋糕，恕我唔識欣賞，唔食一啲都唔會浪費既。雪糕雪條方面只係雀巢公司，不過有啲特別款「紫糯米雪條」好似糖水既☺️都不錯果日係年初三，有位，坐既空間都唔錯，唔逼，可以三、五知己食飯暢談都ok話說都有個小插曲係我叫左湯底去等左十幾分鐘都未黎個鍋，但後來者已有鍋，有少少不爽，但叫侍應幫我追，佢立即在我面前call咪跟進，好快就有啦，真係覺得有人跟進！所以整體感覺良好，主要既牛雞豬同刺身都好味😋我估會再去食！