龍皇酒家 (Mikiki) (已結業)

成日午餐食得麻麻地，今次見有D時間，黎食餐好先!叫左幾樣野試，因為之前冇食過 --- 麻香鱷梨蝦卷(新野)、花旗蔘湯餃(新野)、鳳爪、黑豚肉炒河(新野)。先到既係 --- 創意菜，麻香鱷梨蝦卷，當小食幾好，有麻香，脆口。再黎 --- 鳳爪，OK的，入味，但老實講，荔枝角某酒樓同佢水準十分近。然後又係創意菜 --- 花旗蔘湯餃，甘甘地既湯好飲，粒野就冇乜特別(可能因為似我唔鍾意食既粉果)，配啖湯入口都幾清香。最後係---黑豚肉炒河，炒粉麵來說，OK的，味道0岩0岩好，仲有D鑊氣。食左1粒鐘多少少，滿足。