更多
2022-01-20
1224 瀏覽
又到左晚市只能外賣的日子,想食下台灣野,近近地去左羅東買外賣,難得佢開多一個舖位唔使等咁耐先有枱,唉~唯有遲啲有返堂食先算啦。叫左兩個主食,一碗仙草,一份吐司,仲有兩杯飲品,勁豐富啦~先講下佢地個招牌肉焿湯配新竹米粉,賣相幾好睇,個湯頭勁杰身,鹹鹹地好鮮味。入面有好幾件肉塊,仲有筍絲芫茜等,掉埋個米粉落去食,有啲碗仔翅feel,鍾意佢大大舊肉呀。屋企人揀左台灣腸滷肉飯,勁多生蒜正呀,飯粒係珍珠米,軟綿綿好味,撈埋個滷肉醬好食,仲有脆口又甜甜地嘅台灣腸都好好味。飯後甜品就係仙草芋圓啦,羅東呢碗勁大兜,全碗滿晒㗎,揀左芋頭+小芋圓+海藻水晶口味,其實我覺得仙草1/2/3號都差唔多啫,不過想食芋圓就揀呢款,仙草很滑,芋圓有彈牙咬口,糖水夠甜,好食無投訴。另外仲有吐司呀~見出左新口味又試下,呢個係北海道牛奶紫薯泥口味,勁爆餡!吐司香脆,奶甜紫薯唔甜啱啱好,仲有煙煙韌韌嘅麻薯,好食噃,招牌野一定要叫份試下啦。最後就係飲品啦,小芋圓奶茶同芝士奶蓋烏龍,叫左少甜啱啱好。自己個杯芝士奶蓋好好飲,奶蓋厚滑,烏龍茶清香勁正。屋企人話佢杯奶茶都好飲,但芋圓太多飲完都飽左喎,哈哈,咁今餐又係幾多芋圓嘅。叫太多
叫左兩個主食,一碗仙草,一份吐司,仲有兩杯飲品,勁豐富啦~
先講下佢地個招牌肉焿湯配新竹米粉,賣相幾好睇,個湯頭勁杰身,鹹鹹地好鮮味。入面有好幾件肉塊,仲有筍絲芫茜等,掉埋個米粉落去食,有啲碗仔翅feel,鍾意佢大大舊肉呀。
屋企人揀左台灣腸滷肉飯,勁多生蒜正呀,飯粒係珍珠米,軟綿綿好味,撈埋個滷肉醬好食,仲有脆口又甜甜地嘅台灣腸都好好味。
飯後甜品就係仙草芋圓啦,羅東呢碗勁大兜,全碗滿晒㗎,揀左芋頭+小芋圓+海藻水晶口味,其實我覺得仙草1/2/3號都差唔多啫,不過想食芋圓就揀呢款,仙草很滑,芋圓有彈牙咬口,糖水夠甜,好食無投訴。
另外仲有吐司呀~見出左新口味又試下,呢個係北海道牛奶紫薯泥口味,勁爆餡!吐司香脆,奶甜紫薯唔甜啱啱好,仲有煙煙韌韌嘅麻薯,好食噃,招牌野一定要叫份試下啦。
最後就係飲品啦,小芋圓奶茶同芝士奶蓋烏龍,叫左少甜啱啱好。自己個杯芝士奶蓋好好飲,奶蓋厚滑,烏龍茶清香勁正。屋企人話佢杯奶茶都好飲,但芋圓太多飲完都飽左喎,哈哈,咁今餐又係幾多芋圓嘅。
叫太多食唔晒,留返啲聽日帶返工食先。
張貼