稚

營業中

休息中

今日有啲嘢做嚟咗朗屏站，原來呢頭都有幾多小店，其中包括好似喺元朗好出名嘅南北店。我同朋友行嚟行去，最後決定咗食呢間喺轉角位嘅小店。餐廳嘅門面都幾有日式風格，入到去發現原來真係好細間，但捧場客都唔少。當日我食嘅係鰻魚飯（轉貓飯）；個餐包左一小碟青瓜，一碗面豉湯，同埋一杯熱茶。貓飯即係白飯上加一小塊牛油同埋紫菜木魚碎，可能太少牛油，撈完唔覺得有牛油味。鰻魚本身冇骨，都幾油潤。另一樣套餐朋友揀咗豬肉泡菜飯。我咗少少豬肉嚟食，覺得有少少唔新鮮嘅味道。佢調味係唔錯嘅，但唔知豬肉定泡菜出咗問題。好彩食完都冇肚痛，算係不幸中之大幸。