更多
2019-10-13
360 瀏覽
之前成日愛試美食既同事推薦呢間咖啡店，襯今日得閒就同老公一齊黎呢間隱世咖啡店"隱啡" 試試。小店位於何福堂站附近，因為大廈裝修既關係比d 棚架同網遮住左個招牌，要靠google map 先去到。小店內位置不多，有d 迫。因為咁岩有傳媒黎做採訪既關係，未能太仔細咁睇到店內既裝修。本身諗住黎食個all day breakfast, 但黎到先發現小店只有輕食，咁唯有嘆杯啡，食件cake 之後再去其他地方lunch.☕️義式黑咖啡($40)老公嗌左呢款。上咖啡時店員會介紹呢款咖啡豆，仲會比張紙仔你睇清楚呢款豆既特色，喜歡既可以記下。其實我唔係好識品評咖啡，但飲落都順口，唔會太酸，中意黑咖啡既朋友可以試下。☕️蜜桃牛奶咖啡($48)因為听店內另一客人提起，所以嗌左呢種。呢隻咖啡豆花果味較濃，蜜桃味係用左糖漿，所以開頭未攪勻時會突然變得好甜。下次應該會試另一款。🍰Daily special 檸檬芝士餅($45)店員表示呢個cake 只可堂食，因為用左特製既手法整頂層既layer, 所以佢會較流質，但食落會好refreshing. 呢個cake 既檸茶味同芝士味融合得好好，入口感覺清新，配埋咖啡就成就左
小店位於何福堂站附近，因為大廈裝修既關係比d 棚架同網遮住左個招牌，要靠google map 先去到。小店內位置不多，有d 迫。因為咁岩有傳媒黎做採訪既關係，未能太仔細咁睇到店內既裝修。
本身諗住黎食個all day breakfast, 但黎到先發現小店只有輕食，咁唯有嘆杯啡，食件cake 之後再去其他地方lunch.
☕️義式黑咖啡($40)
老公嗌左呢款。上咖啡時店員會介紹呢款咖啡豆，仲會比張紙仔你睇清楚呢款豆既特色，喜歡既可以記下。其實我唔係好識品評咖啡，但飲落都順口，唔會太酸，中意黑咖啡既朋友可以試下。
☕️蜜桃牛奶咖啡($48)
因為听店內另一客人提起，所以嗌左呢種。呢隻咖啡豆花果味較濃，蜜桃味係用左糖漿，所以開頭未攪勻時會突然變得好甜。下次應該會試另一款。
🍰Daily special 檸檬芝士餅($45)
店員表示呢個cake 只可堂食，因為用左特製既手法整頂層既layer, 所以佢會較流質，但食落會好refreshing. 呢個cake 既檸茶味同芝士味融合得好好，入口感覺清新，配埋咖啡就成就左一段relax 既時光。
由於當時店主正係店內接受訪問，所以我地都可以親耳听到佢講述佢既理念。店主表示感激佢既partner 同埋其他員工一直以黎既支持，令到佢可以堅持對咖啡既熱愛同埋理念。淨係听都feel 到店主對咖啡同埋店內既出品有份執著，大家如果咁岩黎屯門區都可以黎支持下小店。
PS 听到記者不停過個杯"自家漬檸檬蜂蜜咖啡"好好飲，下次黎應該會試下呢款。🍋
張貼
