Su Casa (已結業)

去完九龍灣展貿中心睇野，我就喺附近搵咗間餐廳食飯估唔到依一間餐廳除咗有唔同嘅西餐選擇之外，亦都有一個自助區，裏面有勁多嘅小童玩樂設施，亦都有桌遊可以隨便玩，而係自助區度食飯仲唔使加一服務費！而食物方面選擇亦都相當之多，我就叫咗一個牛扒套餐，再加配牛油果同埋生蠔佢嘅套餐仲包餐湯同飲品，而最令人驚喜嘅係牛扒居然有得揀blue同埋rare！其他地方好少可以做到依個生熟程度！然後佢嘅生蠔都唔錯，而且佢嘅牛油果一球球咁，樣食落去都好好味而佢嘅飲品亦都好健康，我叫左個菠蘿有機奇亞籽綠茶，甜度適中個人覺得依一間餐廳非常之適合一家大細，或者同朋友一齊去玩，你就可以一邊玩住桌遊食住飯咁休息下，亦都適合你嘅小朋友放電另外只要小朋友進入餐廳，職員就會自動送一個氣球畀你嘅小朋友