味道樂居酒屋 (河內道)

營業中

休息中

太耐冇約丫妹一齊出街食飯, 我倆都中意食日本菜, 今日就幫襯咗間鄰近K11 Art Mall嘅日本居酒屋 --味道樂居酒屋。環境裝修有如日本地道一樣, 供應多款刺身、壽司、卷物、小食、鍋物等等…【海葡萄油甘魚刺身野菜沙律】HK$128油甘魚刺身帶些少厚度, 配上沙律菜、蕃茄仔、脆卜卜嘅海葡萄, 很有層次, 淋上唔少酸味味汁醬, 酸度十足, 極之開胃。【火灸北海道帆立貝蟹膏卷】HK$98蟹柳青瓜飯卷, 疊上了經微微火灸嘅帆立貝+蟹膏, 蟹膏有如沙泥口感, 但味道甘香, 整件入口, 口感同味道都有層次, 食到帆立貝刺身嘅鮮甜, 同時又有蟹膏嘅甘香。【加州反卷】HK$78甜蛋青瓜飯卷, 面層以沙律醬做調味兼黏附住大量蟹籽, 蟹籽令口感特別。【美國牛柳粒溏心蛋石鍋飯】HK$148石鍋飯上檯時雖然未熱得有滋滋聲, 所以起不到脆卜卜飯焦, 但飯底加咗牛肉汁, 每啖甜甜地又濕潤, 而且牛柳粒仲好淋。