茶理史 (已結業)

去葵涌廣場嗰日，除咗食左麻辣撈麵，仲去咗附近嘅茶理史買古法黑糖鮮薑奶（$30）。之前試過好幾間嘅黑糖珍珠鮮奶，薑奶就比較少店舖有，仲要係期間限定，就決定買來一試啦！賣相就好似平時嗰啲黑糖珍珠鮮奶，本來滿心期待，一飲之下。。。。甜到爆啊😥，就算攪勻晒啲薑糖，再等到啲冰融晒都係超甜😔，鍾意甜野嘅我都唔係好頂得順。老公叫咗蘭桂人烏龍冷泡茶（$20），反而呢個又幾正，感覺清新，飲完個口回甘，一段時間口中都充滿茶味，個茶為店舖挽回唔少分呢。