華樂冰室

以前喺上環返工經常幫襯，今日出外工作行到附近就諗起呢間舊式冰室仔。

今日未夠11:30就去到，完全唔駛等位唔駛搭枱好開心❤️ 仲係賣緊早餐。 但我個懷念重點係呢度個豬扒炒意同蛋包…店員話已經可以order全日餐唔駛擔心😆

一來就係煎蛋方包，再來就係超大塊的豬扒炸得好香好腍滑沒有令我失望。還有大大碟的炒意粉配黑椒汁…質素好似仲比以前好咗呀👍🏼

加埋杯凍檸茶係好完美，但係要加$5 好似貴咗少少。 埋單$60+ 位，都合理啦。

一定會再來！