辣辣屋

營業中

休息中

之前一直都好想食烤魚，但係本人係唔食得辣嘅，所以唔知邊間好食同有唔辣嘅烤魚。🤪跟住經朋友介紹辣辣屋原來有唔辣。我哋叫左爆蒜雜菌唔辣湯底，烤魚上面有好多炸蒜同炒過既菇，每啖魚配埋菇一齊食幾惹味！魚皮烤得非常酥脆,非常入味，😋皮脆肉香，最緊要魚夠鮮，同埋夠晒嫩滑多汁。條魚好大條，成條魚係我兩隻手加埋嘅size😍兩個人食一定夠食，甚至如果細食會食唔晒，咁大條魚但係冇乜魚骨，食得好方便。其實食完條魚都已經飽飽地，但係我哋唔可以浪費個湯，所以嗌咗生菜，可以吸收湯嘅精華鮮味。我哋以為唔夠食，我哋仲咗嗌咗個串燒拼盤。拼盤有豬柳串，雞肉串，牛肉串，豬頸肉。串燒個面好脆，好香口。加上埋秘製沙嗲汁，好好味！好juicy!燒完啲肉都好嫩滑。食串燒點可以唔飲可樂！😂一個字爽，兩個字絕配！