你妳 (運通洋樓) (已結業)

最鍾意食台灣菜，去開呢度，又見到餐廳名「You You 你 妳」好搞笑，所以試吓。夜晚都好多人排，多後生仔女女，我哋都等咗差唔多15至20分鐘。餐廳雖然小，但都有分區。叫咗好多小食：1. 肉鬆芋泥吐司，好厚身多料，每一啖都充滿肉鬆，正！！2. 第一次食「甜不辣」，原來類似炸咗嘅”monchi”粉團，又幾得意特別。3. 士林香腸，鹽酥雞，好有台灣夜市風味，冇得飛，食下呢啲都好回味。叫咗個便當D餐 - 炸澎湖花枝丸，大大份，有埋糖心蛋，唔洗特登加錢嗌；仲有涼伴木耳，好開胃，啱晒夏天食。佢碗飯好多魯肉，唔會好似其他地方唔夠送飯。d魯肉好入味，好味，推介抵食!!唔少得，要飲埋珍珠奶茶，咁先叫好完滿嘅台式晚餐。