阿升麵線 (已結業)

唔覺意路過阿升，見咁多人排隊又餓餓地又排埋一份，到我地o個時，可能真係太多人，舖面o個兩個負責對客既妹妹仔個態度唔係好得。『要唔要辣』，『拎走定o係度食』...冇尾音，好粗魯......其中一個四眼妹妹仔係咁話好攰好攰......好似唔係好願意做咁。其實都冇預過要咩service，但係都希望唔好比面色我地睇lor...今次試左個大腸麵線，兜野個味真係似碗仔翅多過麵線，同埋略嫌配料個味太濃，搶左個麵線既味，特別是係D蒜蓉...可能又係關人多事，個妹妹仔好是但咁HEA左D配料入去就PACK喇......搞到唔多似阿宗麵線個味，不過麵線夠細，對於未食過阿宗既朋友黎講都ok既，算係一個新選擇。拎住個麵等左幾分鐘先有鹽酥雞同花枝丸，鹽酥雞外脆內JUICY，d雞夠滑，外面調味粉剛剛好，一咬已經諗起台灣~正！花枝丸真係同炸墨魚丸冇咩分別，不過都幾香口。