厵茶 (已結業)

葵芳新都會廣場作為潮流集中地, 小食店同野飲店開到周圍都係, 貨如輪轉。小店淨係玩gimmick最多一年貨仔就會執粒, 要留得住客人唔係咁容易。飲品鋪更加係最大競爭。今次試左呢間3tea, 試左佢芒果雲頂, 雲頂即係奶蓋。佢嘅奶蓋同平時其他鋪頭嘅奶蓋好唔同...唔算好好飲, 有啲奶粉味, 如果想單純飲到奶好creamy ge感覺呢杯就俾唔倒你。不過勝在茶底幾香, 飲得出唔係求其搵包茶包沖嘅茶, 算係加返分。26蚊算中等價, 不過再幫襯就未必。