我哋兩個total叫咗三個餸，分別係麵包焗咖喱軟殼蟹、冬陰功湯金邊粉、蒜蓉炒貴妃苗，仲有千層糕同2杯野飲
咖喱軟殼蟹份量好大份，大概有兩至三隻軟殼蟹，軟殼蟹炸得好鬆脆，但依然食到好香濃嘅蟹味同埋有少少膏，咖喱調味好好，同個麵包絕配，係唔辣嘅咖喱，朋友唔太食得辣都食得好開心
冬陰功湯金邊粉，有好多海鮮，蝦、青口、魷魚，份量十足，亦都好抵食，只係$88，呢個必叫，冬陰功湯底冇得輸
蒜蓉炒貴妃苗，依然好大份，蒜蓉炒出嚟好香好有鑊氣，推薦！
最後叫咗個千層糕，上枱時連隻碟都係暖嘅，仲要面頭有椰汁，好香好軟滑
兩杯嘢飲都好飲，青檸梳打正常發揮，芒果沙冰真材實料，一啲都唔假
係一間會食第三次嘅餐廳
