大喜屋 (已結業)

間唔中想食放題，都會想去既一間就係大喜屋～呢度雖然唔係好新裝，但座位寬敞，都坐得幾舒適，食物種類好多，淨係刺身都有十幾款。因為唔係款款刺身都食，所以叫得唔多，但全部都好新鮮肥美。赤貝超好好大件，帶子都係，唔慳皮，令人覺得抵食！壽司卷物細細件，但有特色，唔會食得太飽可以樣樣都試下！手卷款仲有軟殼蟹同海膽，食左幾件好滿足，但顧住食唔記得影相真係太為食哈哈野飲西瓜同檸檬梳打都不錯，唔會太甜，有汽可以解解滯！海哲同蟹子沙律都好好味，極多菜好清新，海哲好惹味！焗帆立貝好大粒，芝士沙律融為一體，如果個肚有空間，食多幾舊都仲得！泰式鳳爪就酸左啲，而且有碎骨，食果時要小心，不過都係唔錯的，好入味！人頭費星期一至三都係二百頭，甘多野食真心都幾抵！