93
7
4
等級4
2019-08-18 3271 瀏覽
好多人一提起郵輪碼頭就覺得好遠, 很吊腳很難去, 我以前都有這個感覺. 不過自從黎過一次後, 又改觀左. 係九龍灣站有小巴直逹, 其實都幾方便呀, 連我依個新界人都接受到呀. 咁當然, 話遠唔遠, 話近都唔近, 唔係坐郵輪有咩情況下會黎呢? 一係就係黎影相, 因為依度既環境真係幾幽美, 又夠靜, 仲有無敵大草地和海景, 秋天黎野餐好正, 但炎炎夏日, 我肯定不會咁做啦! 剩下最後既原因就係帶小朋友黎紙飛機親子餐廳啦. 今次係我地第二次黎, 即使近年去晒咁多不同既親子餐廳, 依度仍然係我最喜愛既親子餐之一! 因為由踏入店內一刻開始, 感覺就好舒服好relax. 先脫鞋和消毒雙手, 小朋友這個時侯一般已一支箭飛左入去玩啦. 場內有多種不同既玩樂設施, 超長超濶既木系廚房, 煮飯仔, 男男女女都好鐘意. 另一邊有木製滑梯, 木粒彷沙池, 閱讀區, 仲有大大小小的玩具設施, 而我最喜歡佢既天然採光充足, 感覺好柔和同高級, 又唔會有太嘈吵既感覺. 囡囡竟然仲揾到一系列公主裙, 皇冠, 首飾等, 不停話要試...用來影相就岩晒. 小朋友有得玩就夠, 但大人黎到食野又變成重點. 收費方面小朋友平日
更多
好多人一提起郵輪碼頭就覺得好遠, 很吊腳很難去, 我以前都有這個感覺. 不過自從黎過一次後, 又改觀左. 係九龍灣站有小巴直逹, 其實都幾方便呀, 連我依個新界人都接受到呀. 咁當然, 話遠唔遠, 話近都唔近, 唔係坐郵輪有咩情況下會黎呢? 一係就係黎影相, 因為依度既環境真係幾幽美, 又夠靜, 仲有無敵大草地和海景, 秋天黎野餐好正, 但炎炎夏日, 我肯定不會咁做啦! 剩下最後既原因就係帶小朋友黎紙飛機親子餐廳啦. 
210 瀏覽
0 讚好
0 留言

57 瀏覽
0 讚好
0 留言

今次係我地第二次黎, 即使近年去晒咁多不同既親子餐廳, 依度仍然係我最喜愛既親子餐之一! 因為由踏入店內一刻開始, 感覺就好舒服好relax. 先脫鞋和消毒雙手, 小朋友這個時侯一般已一支箭飛左入去玩啦. 場內有多種不同既玩樂設施, 超長超濶既木系廚房, 煮飯仔, 男男女女都好鐘意. 另一邊有木製滑梯, 木粒彷沙池, 閱讀區, 仲有大大小小的玩具設施, 而我最喜歡佢既天然採光充足, 感覺好柔和同高級, 又唔會有太嘈吵既感覺. 
29 瀏覽
0 讚好
0 留言

囡囡竟然仲揾到一系列公主裙, 皇冠, 首飾等, 不停話要試...用來影相就岩晒. 
52 瀏覽
0 讚好
0 留言

小朋友有得玩就夠, 但大人黎到食野又變成重點. 收費方面小朋友平日要$138入場費, weekend 及假日$198; 而成人就彈性一點, 每人餐飲最低消費$100, 限時2小時. 

依度比較特別係食中菜為主, 而且係標榜天然無味精的健康菜式. 名付其實係大人小朋友都岩食. 同時亦有兒童餐供應既. 
183 瀏覽
0 讚好
0 留言

走鹽原味魚湯泡飯 ($68) 
大熱天時胃口麻麻, 食泡飯清清地唔錯. 依個泡飯用魚湯煮成, 加入瓜粒同冬菇粒, 味道好淡, 因為鹽另上, 真係好清淡好健康, 連2歲以下既小朋友都可以食. 飯粒軟硬適中, 加上鮮甜魚湯, 大人當然唔習慣咁淡既口味, 可以自行加上鹽提味. 另外有一小碟爆米可以加入一齊食, 增加口感. 
149 瀏覽
0 讚好
0 留言

返撲歸真蔥油拌麵 ($48) 
個名都幾攪笑, 不過又麵如其名, 真係好撲素! 除左蔥花, 無其他配料. 個麵用上好香既蔥汁撈成, 入口夠油香但又唔會過鹹, 我覺得麵質味道都唔錯既, 但又真係有少少單調. 
109 瀏覽
0 讚好
0 留言

BBQ菠蘿咕嚕肉 ($98) 
真心推比要試, 個咕嚕肉Keep到外脆肉軟, 即使擺涼左仍然保持到脆口鬆化, 酸甜汁又夠稠杰, 岩岩好包裹成塊肉, 好開胃. 加上新鮮菠蘿粒, 小朋友喜歡, 大人一樣鐘意, 而且份量唔少, 用來送飯送麵超好食. 
69 瀏覽
0 讚好
0 留言

55 瀏覽
0 讚好
0 留言

43 瀏覽
0 讚好
0 留言

可愛卡通包 ($20/隻) 
分別點左企鵝同小雞, 外型真係好cute, 阿囡仲鐘意到話唔捨得食, 怕佢地會痛!! 小朋友既情懷真係天真到令人憐愛! 不過包還是要食既, 係我極力游水下, 最後囡囡首肯比我分開佢地, 企鵝仔係奶黃饀, 而小雞就係紫薯饀, 兩款都幾好味, 又唔會太甜, 唔錯.
38 瀏覽
0 讚好
0 留言

Gelato雪糕 ($28/球,$52/2球)
小朋友最鐘意食雪糕,仲揀左好少有既椰子味和朱古力味。椰子味十分濃郁,但又唔係個個都受到;朱古力味就比較大眾化。
170 瀏覽
0 讚好
0 留言

暑假期間仲有唔同既工作坊可以比小朋友參加。小朋友玩兩小時,一定唔會夠;但最緊要家長一樣可以係舒適,休閒又安全既地方食下野傾下計,感覺真係好寫意。所以親子餐廳開到成行成市,我最鐘意都係紙飛機!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-08-01
用餐途徑
堂食
人均消費
$200 (下午茶)