伽倻韓國餐廳 (已結業)

又去海運嗰頭產檢要搵食，今日想食韓國野，韓國菜之中最鍾意雜錦石頭飯，有菠菜有芽菜有肉有蛋，營養豐富，午巿套餐有湯有甜番薯有kimchi，好夠飽！Overall味道係不錯嘅，正正常常冇失望冇驚喜。不過要彈吓服務（伽倻好似經常畀人彈服務差），午巿開始咗可以冇人喺門口附近，我行到入店中間（差不多去到吧枱位）先有，語言不通唔緊要，我豎起食指👆🏻示意一位，唔知係咪一個人唔知安排我坐邊呢，佢冇即時理我而係同另一位侍應對話，我等咗10秒先叫我坐附近嘅四人枱。感覺怪怪的，上一次同老公黎都係咁，又係要諗一陣先安排到座位...