影片
更多
2021-12-23
920 瀏覽
好耐之前印度同事推介過呢間餐廳、我諗當地人推介得嘅應該正宗！原來平日係有自助午餐、星期六日主題就係印度街頭小食嘅自助餐！連埋加一大約$160一位 呢個價錢仲要包埋任飲mango lassi,原味lassi,masala tea同埋咖啡！唔同口味嘅naan 都係免費任食 食物bar 枱範圍唔算大但係種類非常足夠！有蔬菜沙律！蔬菜沙律裏面有蘋果大量洋蔥生菜青瓜、同大量嘅沙律醬 😹 唔知係咪有大量蔬菜嘅關係都唔會好漏 😬仲有印度嘅鷹嘴豆沙律、青瓜沙律、紅蘿蔔條、仲有比較少見嘅洋蔥沙律、加咗好多蕃茄食落又幾好味唔會剩係得洋蔥味 😹我好鍾意呢度一塊塊炸到脆卜卜嘅薄脆！加埋甜甜酸酸嘅羅望子醬汁、薄荷汁、印度乳酪汁、芒果醬、酸酸甜甜好開胃不知不覺食咗成十幾塊 😂春卷食落係即炸好新鮮、裏面係大量嘅蔬菜！印度咖喱角外皮食落好鬆化！裏面係咖喱薯仔同鷹嘴豆蓉好飽肚 😜咖喱就有羊肉同雞肉！當然咖喱汁係唔同 😹我都係統稱佢為印度咖喱汁！最經典嘅masala同butter chicken 一定有! 羊肉蘇蘇地唔會好靭！配上印度香米飯真係不知不覺越食越多 😮💨😮💨印度燒雞tondoori 食落去一啲都唔乾身
食物bar 枱範圍唔算大但係種類非常足夠！有蔬菜沙律！蔬菜沙律裏面有蘋果大量洋蔥生菜青瓜、同大量嘅沙律醬 😹 唔知係咪有大量蔬菜嘅關係都唔會好漏 😬
仲有印度嘅鷹嘴豆沙律、青瓜沙律、紅蘿蔔條、仲有比較少見嘅洋蔥沙律、加咗好多蕃茄食落又幾好味唔會剩係得洋蔥味 😹
我好鍾意呢度一塊塊炸到脆卜卜嘅薄脆！加埋甜甜酸酸嘅羅望子醬汁、薄荷汁、印度乳酪汁、芒果醬、酸酸甜甜好開胃不知不覺食咗成十幾塊 😂
春卷食落係即炸好新鮮、裏面係大量嘅蔬菜！
印度咖喱角外皮食落好鬆化！裏面係咖喱薯仔同鷹嘴豆蓉好飽肚 😜
咖喱就有羊肉同雞肉！當然咖喱汁係唔同 😹我都係統稱佢為印度咖喱汁！最經典嘅masala同butter chicken 一定有! 羊肉蘇蘇地唔會好靭！配上印度香米飯真係不知不覺越食越多 😮💨😮💨
印度燒雞tondoori 食落去一啲都唔乾身啖啖肉
仲有幾款唔同嘅印度蔬菜裏面有茄子！
我最鍾意係其中一款嘅印度芝士！Kadai paneer! 第一次食以為係豆乾 😹 但係又有啲芝士味、問咗職員原來係印度傳統嘅芝士！強烈建議大家試！
由於電話冇電甜品同生果冇影相 ！生果當日有西瓜同菠蘿！好甜好新鮮！仲有兩款印度甜品但係真係太甜食唔到落去 😜 食落去似查麵包球但係配上大量蜜糖
呢間係我非常鍾意嘅印度餐廳極力推薦大家試
張貼
