幸福堂 (已結業)

聽到銅鑼灣幸福堂要執，即刻擇個吉時去飲返杯摸摸杯底！點知隔幾日又話全線結業，晴天霹靂好大打擊呀！！台飲愛好者又少左個選擇喔！距離全線結業仲有啲時間，入個元朗朝聖下！比起對上一次，已經無左條長長嘅人龍，朝聖嘅人都少左，但都有10多個人等攞貨，點左個凍嘅幸福黑糖珍珠奶茶，等左5至10分鐘就到我喇！一飲落去，味道依然！珍珠黑糖味濃，茶味香，同凍凍嘅珍珠奶茶為回暖嘅冬天帶點涼意！滿滿幸福嘅味道喔！幸福堂，拜拜你條尾！