牛大人台灣火鍋吃到飽 (瓊華中心)

講到我最常去嘅火鍋放題店，相信就係牛大人😉 上星期又再同老婆去食，揀左日本A4黑毛和牛餐，餐廳仲送左澳洲M9和牛牛丸2粒同海鮮拼盤👍🏻好豐富


食得和牛餐，我最主力當然係食日本黑毛和牛A4+啦，嘩嘩嘩油花分布平均，一睇已到知高質，果然一入口即化，唔洗點用力咬已經化哂，真係超好食👍🏻 另外伊比利亞黑毛豬梅肉都好好味，肉質好嫩滑！無騷味！


鮑魚三吃我都encore再3輪😂 鮑魚好鮮甜彈牙，同埋烹調方法都好特別，有醉鮑魚、鹽蔥鮑魚及柚子燒汁鮑魚！