T4 清茶達人 (已結業)

最近香港好多事發生，大家都好努力想為呢個我地愛既地方出一分力，尋日全港罷工七區集會路經佐敦呢間t4清茶達人想話補充下身體水份，嗌左杯珍珠奶茶點知比錢時老闆娘唔肯收，甚至比左都追番出黎比我地、叫我地要加油講番杯野飲，珍珠夠淋唔會話太甜，難得係奶茶底有茶味，有時飲到啲完全冇茶味既都會懷疑人生，但呢杯表現非常唔錯炎炎夏日突然受到咁溫馨招待真係覺得好感動，希望我地大家可以一齊加油！同埋祝老闆娘生意興隆呀！我會多啲去幫襯！