影片
更多
2005-02-15
16 瀏覽
最近同友人再次幫南記,發覺已經冇以前咁多人等位,不過如果繁忙時間光顧,都係預先訂位會好啲。南記嘅 菜色有一個特點,就係好食唔好睇。賣相唔得,其貌不揚,但味道非常好。今次我哋叫咗啲大路兼傳統嘅菜色:鹹雞併鵝片,豆腐併墨魚,蠔烙,胡椒鹹菜豬肚湯,鮮茄大眼雞魚湯,凍蟹,木魚炒芥蘭,潮州春菜。冇食甜品。南記嘅滷水,老實講,一般啦!味道偏淡,比較依家市面好多以’澄海老四’自稱嘅滷水店差咗一大截。所以鵝片只算及格。我鍾意食雞,對雞嘅要求比較高。呢個鹹雞嘅整法正宗,但係先天不足—冇雞味(呢個亦係大部份食肆嘅弱項,泉章居亦唔例外)。豆腐併墨魚,豆腐一般,理由同上(滷水唔掂,豆腐有幾滑都冇用)。墨魚就幾好味, 軟韌適中又入味,同一般所謂’打冷舖’嘅整法唔同,唔會’實轟轟’,點埋甜醬一齊食,送酒一流。蠔烙冇特別評論,不過不失,記得趁熱食。胡椒鹹菜豬肚湯(加送豬腸)啲味道好平衡,唔會過辣又唔會一陣內臟味,啲豬肚洗得好乾淨,冇異味之餘又保留到豬肚味。鹹菜嘅鹹淡適中,又夠爽。鮮茄大眼雞魚湯非常鮮味,一定要試,條大眼雞滾完湯仲有鮮味,鍾意食魚嘅朋友唔好錯過。凍蟹,都相信係佢哋其中一味招牌菜,佢哋用嘅係肉蟹(各位看
南記嘅 菜色有一個特點,就係好食唔好睇。賣相唔得,其貌不揚,但味道非常好。
今次我哋叫咗啲大路兼傳統嘅菜色:鹹雞併鵝片,豆腐併墨魚,蠔烙,胡椒鹹菜豬肚湯,鮮茄大眼雞魚湯,凍蟹,木魚炒芥蘭,潮州春菜。冇食甜品。
南記嘅滷水,老實講,一般啦!味道偏淡,比較依家市面好多以’澄海老四’自稱嘅滷水店差咗一大截。所以鵝片只算及格。我鍾意食雞,對雞嘅要求比較高。呢個鹹雞嘅整法正宗,但係先天不足—冇雞味(呢個亦係大部份食肆嘅弱項,泉章居亦唔例外)。
豆腐併墨魚,豆腐一般,理由同上(滷水唔掂,豆腐有幾滑都冇用)。墨魚就幾好味, 軟韌適中又入味,同一般所謂’打冷舖’嘅整法唔同,唔會’實轟轟’,點埋甜醬一齊食,送酒一流。
蠔烙冇特別評論,不過不失,記得趁熱食。
胡椒鹹菜豬肚湯(加送豬腸)啲味道好平衡,唔會過辣又唔會一陣內臟味,啲豬肚洗得好乾淨,冇異味之餘又保留到豬肚味。鹹菜嘅鹹淡適中,又夠爽。鮮茄大眼雞魚湯非常鮮味,一定要試,條大眼雞滾完湯仲有鮮味,鍾意食魚嘅朋友唔好錯過。
凍蟹,都相信係佢哋其中一味招牌菜,佢哋用嘅係肉蟹(各位看官唔好笑呀!我試過啲用水蟹整嘅凍蟹,真係俾佢吹到’啤’一聲!),手法當然亦正宗,完全將蟹嘅鮮味同湯汁鎖喺蟹入面,連我呢個平時唔多食蟹嘅傢伙都食到唔停口,你話呢?
南記整嘅菜亦係一絕,兩個菜都好好味,但怕肥嘅朋友就最好瞌埋雙眼食,事關佢哋係落好多油去煮,亦係好味嘅原因。木魚炒芥蘭非常惹味,春菜就過火了一點。
如果大家唔鍾意散叫(或者唔識叫),佢哋都有啲抵食套餐。星期一至五仲有折頭添(嘩,好似賣廣告咁!)。
南記其中一個吸引嘅地方,就係你可以用一個比較合理嘅價錢,食到一啲好味嘅菜色。大家唸吓你上次去食’打冷’俾咗幾錢?食咗啲乜?
再講食客心態, 我都遇過好多差嘅待應,又去過一啲差嘅地方,所以我明白各位啲激氣嘢。我哋去唔同地方食嘢,就要抱唔同心態,問吓自己嚟係食嘢,定係食人食地方。冇期望就唔會失望,食都食得開心啲。唔好期望人哋會改,你估間間都好似鹿嗚春咁識自我反省嘅 咩!
張貼