更多
2021-01-10
408 瀏覽
喺荷里活廣場買完衫，三個人去食個下午茶，行咗一個圈都冇咩心水，好耐冇食過Toast Box，4:30 左右到達，揾到位就去排隊買嘢，大約排6個，都有等咗10 分鐘以上。間嘢可能係冇人洗餐具，餐具位置除咗刀，就得返一隻筷子。唯有拎外賣餐具用。放餐具位置都幾亂幾污糟，好多已用嘅嘢係枱面。講返食物，叫咗1）喇沙套餐$66 凍檸茶走甜+$4 喇沙湯底唔香，米線淋到一pat pat ，蝦就肯定雪藏貨，仲要係質量差雪嘅藏貨，完全冇味，係一舊爽口嘅唔知咩物體，如果瞇埋眼食一定唔知係蝦。魚片冇味，係雞蛋豆卜好啲，唔係好味，不過正常。凍檸茶茶色好渾濁，味正常。2）肉骨茶配白飯（特價$48）凍檸茶走甜+$8冇咩味架，得兩件肉，都幾大件，但唔香 ，冇肉味，湯底都冇香濃或清甜感覺，一定要點豉油食，好似食湯渣。3）斑蘭蛋糕（$16）冇斑蘭味，似紙包蛋糕4）薏米水（特價$10）叫咗多薏米都係好少薏米，睇住佢裝1/3杯薏米水再溝滾水，真係薏米....水囉。好懷念以前池記果啲薏米水，有薑有蜜棗，薏米又多。5）加配小食雞扒同雞翼（各$10）成餐最好食嘅嘢，竟然係最平嘅加配小食，雞翼同雞扒都係正常，正常我都當佢好食，因為
間嘢可能係冇人洗餐具，餐具位置除咗刀，就得返一隻筷子。唯有拎外賣餐具用。
放餐具位置都幾亂幾污糟，好多已用嘅嘢係枱面。
講返食物，叫咗
1）喇沙套餐$66 凍檸茶走甜+$4
喇沙湯底唔香，米線淋到一pat pat ，蝦就肯定雪藏貨，仲要係質量差雪嘅藏貨，完全冇味，係一舊爽口嘅唔知咩物體，如果瞇埋眼食一定唔知係蝦。魚片冇味，係雞蛋豆卜好啲，唔係好味，不過正常。
凍檸茶茶色好渾濁，味正常。
12 瀏覽
1 讚好
0 留言
2）肉骨茶配白飯（特價$48）凍檸茶走甜+$8
冇咩味架，得兩件肉，都幾大件，但唔香 ，冇肉味，湯底都冇香濃或清甜感覺，一定要點豉油食，好似食湯渣。
21 瀏覽
0 讚好
0 留言
3）斑蘭蛋糕（$16）
冇斑蘭味，似紙包蛋糕
7 瀏覽
0 讚好
0 留言
4）薏米水（特價$10）
叫咗多薏米都係好少薏米，睇住佢裝1/3杯薏米水再溝滾水，真係薏米....水囉。
好懷念以前池記果啲薏米水，有薑有蜜棗，薏米又多。
5）加配小食雞扒同雞翼（各$10）
成餐最好食嘅嘢，竟然係最平嘅加配小食，雞翼同雞扒都係正常，正常我都當佢好食，因為其他太難食。雞扒同雞翼都好油，但起碼有味，同埋冇雪藏未，加$10抵食。
總結：服務員態度好嘅，無論收銀定係整嘢食嗰個，態度都唔錯，叫佢幫我打包肉骨茶個白飯，佢哋都好樂意。環境係凌亂同污糟嘅。食物係貴而且唔好食嘅。
張貼
