天天海南雞飯 (ELEMENTS圓方)

係圓方商場裡面嘅天天海南雞係米芝蓮星級推介餐廳。餐廳裝修型格，地方闊落，座位舒適。店員殷勤有禮，非常親切。

暖笠笠二人套餐幾抵食。

花膠太史蛇羹：有木耳冬菇絲雞肉豬肉蛇肉等等，配上白菊花瓣同蛋散薄脆。真材實料，味道清新唔太咸，食完暖笠笠，絕對係秋冬進補之選。

正宗海南雞：雞肉嫩滑，雞皮爽脆，去咗骨啖啖肉，仲跟埋雞汁增加鮮味。另外三款醬汁有辣有唔辣，適合唔同口味。

蟹粉豆苗：蟹粉好香口，味道剛好。

生炒糯米飯：粒粒分明，軟硬適中。連糯米飯裡面嘅臘腸和潤腸都好香好好味。

飲品：桃膠菊花桂花雪梨茶和黑糖三棗桂圓薑母茶，同樣材料十足，茶味香濃。