forte

今日又同女友放半日，搵唔到食咩好，又要係觀塘區，見到呢間都想試吓，可openrice 訂位，又有信用咭優惠八五折就揀咗 lu 😛


係半自助午餐，價錢都高高地㗎。 入到去，都幾嘈下，揀咗係側邊嘅高枱坐，感覺 private 少少，舒服啲 😌


睇咗一陣餐牌，決定揀牛同雞，跟住就出去拎嘢食，一開始都覺得算幾多選擇咁，拎拎下又好似唔算⋯⋯可能太耐冇食自助餐，所以一開始有點新鮮感🤪 拎咗大部分都係沙律，再加兩個湯，一中一西，想試吓😝 但味道一般，尤其是個中湯，完全冇味，又唔夠熱 🤨 返位食到一半，主菜都到了⋯⋯哎⋯⋯我最怕，未食完前菜，主菜就到咗😕 咁就即刻將前菜放埋一邊先，食咗主菜先，唔想凍晒，因為到時，都覺得唔算太熱⋯⋯

因為係半自助餐形式，揀選唔同主菜係唔同價錢。都算多款，但味道只係正常，有啲係麻麻添😝

女友揀嘅澳洲穀飼西冷牛扒，賣相唔錯，肉質都唔錯，我倆怕食生，所以要全熟，但都煮得好好，又唔韌，都有肉味，配汁亦唔錯喎，好夾，啲薯蓉應該係牛肝菌味，幾特別，幾好味😋

賣相唔錯，我哋怕生，要求要全熟，但廚師都控制得幾好，都不太，又可能費事煮咁熟，因為啲肉都紅紅哋。但配汁，牛肝菌薯蓉都幾好味😋

$288

而我個慢燒藍芝士雞胸，嘩！咁大件嘅，配菜同個牛一樣，藍芝士好香，但嫌燒得唔夠，又幾大件，食食吓都比較悶，不過雞胸肉都整得好滑，一啲都唔鞋👍🏼

嘩！好大件，不過大咗啲，食食吓有啲悶😝  藍芝幾香，但燒得唔係好夠咁，爭咗少少

$268

食完個主菜，慢慢食埋啲沙律，唞一下都出去再望望有咩食，都夾少少前菜食吓，不過大部分我哋都覺得一般味道，之後拎啲生果，一般，最後叫熱咖啡，拎啲小cake 仔作結尾。 好可惜，連cheese cake 都無，比較好味少少嘅就只有咖啡色呢舊⋯⋯

1

因為係半自助餐形式，揀選唔同主菜係唔同價錢($208-288)。  除咗甜品，仲有生果，味道一般

餐咖啡

當日餐牌