老趙越南餐廳

平日放飯，同同事一行四人十二點鬆啲去到餐廳，當時八成坐滿，唔洗排隊，基本上成餐飯都見唔到出面有人龍。

香茅豬扒湯檬

$54

香茅豬扒湯檬

$54

我叫左香茅豬扒湯檬，一黎到就覺得份量有少少細，湯檬個湯正正常常，唔會好油、唔會好重味，夠味而食完後唔會太口渴，但啲檬粉太碎啦，根本夾唔到，要好匙畢黎食。至於個豬扒，有三塊，份量正常，一塊入面有肥有瘦，瘦既部分都幾乾柴，做唔到人地瘦既部分都好腍滑既感覺，味道都足夠，略嫌油左少少。

泰式煎蛋肉碎飯

$68

因為個粉份量有啲少，同事俾左啲飯我食，肉碎幾重味，但都幾辣，唔明點解貴咁多。

桂㘣紅棗茶

跟餐叫左紅棗桂㘣茶，唔會超甜，只係偏甜，入面真係有紅棗同桂㘣，唔錯。

越式燴牛尾飯

$68

另一位同事既牛尾飯，我無食就唔評論了。