三一餃子 (通菜街)

見佢開分店，又未試過就黎旺角排下隊。新開試業緊幫襯，門口又有人拎飛又有人排隊有少少亂，正式開可能會有改善。

野食方面，叫左莞茜豬肉煎餃同經典豬肉煎餃每樣十隻，煎得幾有特色，係成朵花咁樣。不過味道唔算突出，正常水準咁啦。份量就略少，d餃好細隻，都係一啖一隻。依個價錢黎講唔算抵食。

環境黎講，因為新開都乾淨嘅。坐落又唔算好迫，都食得舒服。

不過最大問題係店員果到，有一個男店員初頭覺得佢幾nice, 不過見到有女仔落單果時佢有少少專登哄到勁埋d 女仔到落，幾反感。

總括黎講唔洗排其實都可以再幫襯，但係見到店員個行為我諗都唔會再有下次。