農場冰室

營業中

休息中

喺堅尼地城收工，呢頭我唔太熟路，諗住跟埋同事喺附近求其食個茶記先返屋企，同事話附近有間冰室佢間唔中都有食下，於是就帶埋我去農場冰室醫肚。呢到係開放式廚房，所以要有心理準備難免會有少少油煙味。幾鐘意呢到嘅碗碗碟碟，有公雞圖案，懷舊得黎幾靚。⭐️常餐- 香煎豬扒公仔麵厚切豬扒煎得外層香脆，不過略嫌油咗少少，湯底係公仔麵味精湯。豬扒份量多，公仔麵煮得啱啱好，煙煙韌韌👍🏻- 配黑松露炒蛋&蒜蓉厚多士炒蛋炒得唔錯都幾滑，黑松露一般，香味唔夠，蒜蓉厚多士亦都唔夠蒜味，可能因為我鐘意食濃味野，我覺得呢到嘅食物淡左啲。⭐️瑞士浸牛脷雙蛋飯同事叫嘅飯，見個牛脷好厚切，我唔食牛脷所以冇試到🙈同事話味道ok。