Mango Tree Café (已結業)

同事介紹話呢同嘅泰國菜好好食，所以就嚟試下，點知覺得麻麻！餐廳環境好大，唔會話好逼同好嘈，服務都非常好！咁我就两個人嗌咗三樣嘢。分別係泰國菜必點嘅馬拉盏炒通菜！！生菜豬肉包！！同埋一個燒雞。上菜速度都算快。馬拉盏通菜唔算太入味，個人覺得炒得唔夠火喉，不過啲通菜好新鮮同唔老。燒雞肉質好淋，冇乜雞味，要靠點個醬汁先有味。雞皮同雞係分離嘅。唔推薦呢道菜式。生菜豬肉包係三樣中算係幾唔錯咖啦。味道適中，唔會好辣。加咗香葉口感好好！不過啲生菜就少咗啲。