第壹燙冒菜麻辣燙

今日閒逛尖沙咀，朋友突然話想食麻辣燙，咁就行左入呢間小店。
呢間麻辣燙似車仔面店，畫紙點餸，再等上枱，唔係一串串自己係雪櫃揀完俾佢淥。
睇到餐單，好多樣都想食，就諗住揀8淨餸啦，咁食麻辣燙又點少得可樂，不過淨餸加汽水係收正價10蚊，好似唔係好抵喎，所以最後揀左6餸粉面餐，加可樂，成惠59蚊!
湯底小麻小辣，餸有千頁豆腐、萵荀、粟米筍、白蘿蔔、黑豚肉片同肥牛，配紅薯粉。個人覺得小麻小辣係唔辣，而好似豆腐呢類食材，形同無味...有點失望...好彩肥牛同黑豚肉片，唔太差，ok既。粉既份量唔算多，過下口隱都得既~