Sweetology (已結業)

約咗舊同學係又一城行街，行到咁上下又要搵地方食個飯再戰購物。係行街嘅時候，個朋友見到呢間野有全日早餐。所以我哋就試一試，好好彩下午茶嘅時間我哋都唔需要等位，入到去職員放低左成五個餐牌，其實我都冇完全睇過嗰幾餐牌究竟係每一份裏邊有啲咩。就咁睇左全日早餐，選擇咗英式早餐同叫咗杯水果茶就無再睇果幾個餐牌。因為我覺得有啲誇張！我叫左個份要咗北海道3.6牛奶炒蛋火腿腸仔煙三文魚焗豆番茄牛角包薯角沙律，呢間餐廳嘅全日早餐選擇比較多，如果唔選擇火腿腸仔麵三文魚可以轉煙肉，包亦可以選擇牛角包法式長棍包味道方面個炒蛋比較滑身，啲三文魚都好新鮮，薯角脆卜卜，但牛角包就比較失望返，完全唔夠脆，唔夠新鮮，焗豆係用某某牌子嘅罐裝焗豆。而其他嘢食都不過不失。水果茶就偏向失望，茶味唔夠濃。水果味完全唔重，份量方面都算叫做多。