極．大瀛喜

同阿媽去咗呢間放題，$300位食足三個鐘，坐得舒服又唔會催你走，呢點真心抵讚！大部分食物都keep到水準，刺身睇落幾新鮮，阿媽都話幾好。

不過有樣要彈就係炸鯛魚，一咬落去有陣雪味，口感有啲「嚡」，同其他食物比明顯爭啲。雖然話係$300任食，但呢款真係有改善空間。

總括來講，以呢個價錢坐得舒服，時間又夠長，食物大路得來算穩陣，同屋企人傾偈食飯係唔錯選擇。如果唔好彩撞正個別款式失準，
避開佢揀其他都算回本。可以再encore嘅！
當日自付用餐體驗不佳，有雪味待改善😅😅😅😅😅😅😅