noc (帝國中心)

N.O.C 帝國中心店環境光線明亮，座位算多，仲有好多梳發位，但佢位置在一間跳舞中心樓上，會感受到強大低音喇叭的威力，所以如果想避開音浪，就可能坐去臨街玻璃位。另外佢啲梳發都幾污糟，坐上去難免身痕。

佢哋主咖啡同健康輕食。手沖咖啡感覺真係好普通。

香煎三文魚沙律碗色彩繽紛，三文魚煎得外脆內嫩，唔會煎得太老。
沙律嘅配料好豐富，有爽口嘅生菜、蕃茄、牛油果，南瓜、都幾有層次感。不過其他菜式方面就顯得選擇太少啦。