牛一 (荃灣廣場) (已結業)

屯門、尖沙咀牛一食得多，荃灣依間第一次試，心目中牛一尖沙咀店個心比較中意，但今次荃灣店有少少驚喜但唔知係牛一全部分店都改左定只係荃灣店係咁，首先入座時間分得好清楚，3:44pm去諗住食，有位職員話依段時段冇，要5:00pm先入得，所以係附近行左陣 5:00pm先再去（晚餐時段），由於時間算早，一到立即安排入座荃灣店依家自己掃code落單（其他店以前食唔係，依家唔知）食物方面，丸類選擇比較少，多數係菜類，印象中丸類只有牛根丸、麻辣吾知咩丸、包心海鮮唔知咩丸等等；蔬菜選擇如比較多 比較少係其他分店見到既有 淮山、紅心蘿蔔等等湯底選擇左昆布&壽喜燒，壽喜燒湯底一開始好好味，但愈食愈濃味～即使加左湯都仲係濃味好彩有昆布唔係最後都唔知點食（加湯都係自助，預先放左一壺係台，有需要時自己加，唔係配番你湯底既湯，每張枱既湯都係一樣果款）牛方面叫左美國牛最平個餐，但啲肉碟碟都唔錯，而且最後幾碟送上黎既牛 牛味比較特出有驚喜唯一唔好既係 差唔多離坐前半小時落單，二次都係叫二碟黎得一碟，第一次冇問職員，第二次職員拎肉黎 拎得一碟 我話落左二碟 ，職員話係二碟份量但份量明明同之前一碟既一樣，充滿疑問環境唔錯，